Testimonials
Was andere Mamis mitgenommen haben
Weniger Druck. Mehr Verständnis für sich selbst. Mehr Ruhe im Familienalltag.
Die Frauen, die mit mir arbeiten, suchen keine perfekte Morgenroutine und keine Pinterest-Familie. Sie wünschen sich einen Alltag, der sich wieder mehr nach ihnen anfühlt - trotz Mental Load, voller Tage und echtem Familienleben.
Stimmen aus der Community
Gerne möchte ich dir ein grosses Kompliment machen, ich finde du machst deine Arbeit, deine Workshops und dein Shop mit so viel Liebe, Freude und Kreativität.
Einfach nur super klasse und danke dir vielmals für alle tollen und wertvollen Inputs. Ich weiss, sie werden uns als Familie sehr helfen.
— Mirjam
— Tamara
Ich möchte mich bedanken für deine Zeit, dein Engagement, deine Ehrlichkeit und deine Authentizität, sowie deine wertvolle Arbeit!
Es hat mir soo Spass gemacht Inputs zu erhalten, die ich gut umsetzen kann.
Ebenso mutig zu sein, um zu hinterfragen. Nicht nur mich und meine Haltung, sondern auch was mir von Social Media oder von der Gesellschaft weitergegeben wird im Bezug auf das Mama-Sein.
Es ist alles ein Prozess und ich muss noch nicht alles können. Ich darf einfach auf dem Weg sein und lernen. All diese Dinge hast du mir immer wieder gezeigt und es hat mich ermutigt.
Es ist wertvoll von Mama's profitieren zu können, die ein paar Jahre weiter sind und ihrer Arbeit Wert verleihen. Es braucht mehr davon!
Ich freue mich auf die kommenden Jahre mit meiner Tochter!
Danke Rebecca!
Wall of Love
Worte und Momente, die zeigen, dass Veränderung im Familienalltag möglich ist - nicht perfekt, sondern echt, liebevoll und Schritt für Schritt.
Liebi Rebecca
Ich sitz da uf m Bett vo de Noemi mit ihre uf m Arm. Sie schlaft.. sit re Stund. Hets ned elei gschafft und ich ha gfunde, ich lah mich ez ned stresse vo dem. Chophörer ine und mr e Serie inezoge 😂
Uf mich wartet abr Wösch i de Maschine wo fertig wär zum ufhänke. 4 wiiteri Maschine Wösch, de Gschirrspüeler wo no zum usruume wär und s dreckige Gschirr vom ganze Morge 😅
Plus no jenshti anderi Sache woni mr einti vorgnoh han für hüt Namitag. Will ich ha hüt Morge mich entschide zum in Zoo gah mit de Noemi zums schöne Wetter und Ziit mit ihre gnüsse. Ich han ja am Namitag Ziit für alles.. 😂 ja hani denkt..
Abr ganz ehrlich, es stresst mich gad überhaupt ned. Will ich lueg mini Tochter aa und gnüss eifach de Moment, dass sie so nöch vo mir isch. Ii paar Jahr wird ich das so nüme ha.
Und dass ich das so chan, das hani vo dir glernt! ❤️ ich weiss zwar nani gnau, wie das es dezue cho isch, dass de Schalter kipped isch.. abr das isch ja auu Wurscht 😅
Danke für dini wertvolli Arbeit und dini Posts 🔥🥰
Es isch wichtig für ois Mami‘s! ❤️
Also ich segs mol so: ich bi vorher vor allem sit de geburt vom 2. sehr oft im überlebensmodus gsi und au öfter mol chli usgrastet... min grösste gamechanger isch die wucheplanig vo dir gsi... mit dene slots... so ha ich ide Spielziite so viel meh rueh, ich weiss dass ich ja denn ime spätere slot mini Hushaltsufgabe cha mache. D Pausene am Tag hani ihgführt und en Menueplan inkl coop at home jede Mäntig, wells poste aktuell für mich eifach en z grosse Stress gsi isch... denn no ganz viel chlini Sachene, bi oft tüüefentspannt😍 ich bi so dankbar und so schad ha ich de Kurs nid früehner gmacht😅
Danke für deinen praktischen Ansatz.
Deine sympathische und ehrliche Art. Man merkt wie viel Erfahrung du hast. Hätte dir und deinen praktischen Tipps noch lange zugehört :)
Vielen Dank für all deine Arbeit und deine mega Vision. Man spürt, auch auf Insta, wie du dafür brennst.
Same here😍🔥 Dank dim Kurs hett sich min Mamialltag eifach so krass is Positive verändert😍 danke danke danke für all die wertvolle Inputs die letzte Wuchene✨
Seit ich den Kurs gebucht habe, bin ich unglaublich bewusst unterwegs als Mutter. Du bist wie eine innere Stimme geworden, die liebevolle und prüfende Gedanken hinterlässt. Also total positiv für mich. ;-) Lustigerweise war am Tag nach dem KickOff Call ein richtig herausfordernder Tag. Schon am Morgen hat mein 3-Jähriger unsere Wände vollgemalt, also richtig gross und es geht nicht mehr aus. Aber das was ich sagen möchte ist, dass ich crazy, also wirklich CRAZY ruhig reagiert habe und meinen Sohn einfach als einen kleinen "Picasso" gesehen habe. Hahaha habe ihn sogar fast gelobt 😁 musste meine Reaktion gleich meinem Mann mitteilen und er hat dann auch gemerkt, dass man ja ganz easy auf so eine Sache reagieren kann.
Danke vielmol! Ha d Calls sowie au de ganzi Kurs so wertvoll gfunde. Ech be allgemein sehr glücklich ond dankbar dröber, han ech de Wäg zu der gfonden! Ech merke es schafft rechtig. Emmer wenni d Modul bearbeitet han ond mer han welle en Frog ufschriebe, hani bim ufschriebe gmerkt, dass ech d Antwort scho sälber han. Das esch emmer weder sone AHA-Momänt gsi. Ech glaub, Ehrlich zsi zu sech sälber, au wenns onagnähm esch, wie bim Thema Fründschafte losloh, esch de Schlüssel ond das han ech glehrt.
Zum Thema BO. Ech ha s gfühl, mer läbets glich. Mer setze Rahme, sanft, omd d Wärt witerzgeh, wo eus wichtig send. Selbstbestimmt ond klar. Drom jo, das het sech gleit.
Die Klarheit woni ide Muetterschaft zu mine Chind ha, fählt mer im soziale Bereich...die Klarheit gsehni bi der ond ech würd mech freue, wenn die Berotig zstand chämti.
Freu mi sehr uf witeri Infos vo der, liebi Rebecca!❤️🔥
üsi alltag isch so entspannt worde! üsi ehe als fundament vo üsere familie isch crazy ready! mir hend en hammer ustusch, ufgabe werdet ufteilt, verantwortlich abgä, nid ständig diskutiert. jede het sini ziit, ziit zäme und ziit für fründe! üse bueb dörf gsi wie mir üs liebebd und ehred! für alli wo säged es isch ztüür: jede rappe het sich glohnt. da spare lohnt sich nid will du wirsch dank dem kurs so viel energie spare, so viel striit & diskussion. drum es lohnt sich!
und nei es heisst nid dass ich und min mah jetzt nieneh uneinig sind aber mir hend en struktur für üse alltag und üsi beziig😊☀️ps: pünktli ufem i - mir hend au meh sex - was üs nach de schwangerschaft & veränderig mit em baby sehr gholfe het zum wider nöcher zäme zcho
s thriving mama, muess ich zuegä hät ich mir wahrschinldi zu dem ziitpunkt nid gleistet wenns nid im paket debi gsi wär. aber: es isch eigentich grundlag für jedi mam wo selbständig isch. für jedi mam! egal ob selbständig oder nid. ich würs gern jeder frau schenke!!! will jedi hets verdient zum so viel power zbecho. und ja es isch harti arbeit, du vorderisch üs use, mer muss umsetzte, strukturiere, brüele, nomal probiere, mit em mah alles tuusigmal bespreche uund ES LOHNT SICH!
ich finde de kurs isch en grundlag für jedi familie. egal ob kind im schuelalter, teenie, oder baby! es duet guet en plan zha und vo öperem ah gführez zwerde!🥴 danke für dini investition i all die fraue und familie!❤️
ich freu mich wiiderhin vo dir zghöre, vo dir zlerne und vilicht s eint oder anderemal zäme zschaffe! ich schätze dich sehr!
liebi grüess
tamara😊
einmal mehr: ein super programm! bin fan von dir rebecca ! :)
Ich danke dir ganz herzlich für alles und freue mich auf weitere Kurse.
Livia